छायाचित्र दालन
मुख्य कार्यकारी अधिकारी मनोज रानडे यांची सफाळे येथे दत्तक बालकाच्या घरी भेट; पोषणासोबत कुटुंबाच्या आर्थिक सक्षमीकरणावर भर
जिल्ह्यातील कुपोषण कमी करण्यासाठी केवळ उपाययोजना न करता प्रत्येक कुपोषित बालकाच्या आरोग्याची प्रत्यक्ष जबाबदारी घेण्याच्या उद्देशाने जिल्हा परिषदेच्या प्रत्येक अधिकारी-कर्मचाऱ्याने कुपोषित बालक दत्तक घेण्याचा उपक्रम राबविण्यात येत आहे. या उपक्रमांतर्गत तसेच सेवा संकल्प अभियानाच्या माध्यमातून मुख्य कार्यकारी अधिकारी मनोज रानडे यांनी सफाळे येथील ठाणेपाडा अंगणवाडीत दत्तक घेतलेल्या हार्दिक निलेश परेड या बालकाची भेट घेऊन त्याच्या आरोग्य व पोषणस्थितीचा प्रत्यक्ष आढावा घेतला.
मुख्यमंत्री समृद्ध पंचायतराज अभियान अंतर्गत पंचायत समिती विक्रमगड श्रमदानातून वनराई बंधारे बांधले.
मुख्यमंत्री समृद्ध पंचायतराज अभियान अंतर्गत पंचायत समिती विक्रमगड मधील सर्व अधिकारी आणि कर्मचारी यांनी श्री. व्यंकटराव हुंडेकर
नोडल अधिकारी तथा जिल्हा कार्यक्रम अधिकारी, महिला व बाल विकास यांच्या उपस्थितीत श्रमदानातून वनराई बंधारे बांधले.
दिनांक : 05.12.2025 जिल्हा परिषद पालघर कुपोषण निर्मूलन, मातृ-शिशु पोषण आणि डिजिटल ट्रॅकिंगसाठी पालघरमध्ये उन्नत प्रशिक्षण कार्यशाळा
कुपोषण निर्मूलन, मातृ-शिशु पोषण आणि डिजिटल ट्रॅकिंगसाठी पालघरमध्ये उन्नत प्रशिक्षण कार्यशाळा
जननायक बिरसा मुंडा सभागृह, जिल्हा परिषद पालघर येथे कुपोषण निर्मूलन, मातृ-शिशु पोषण सुधारणा आणि Nurture App च्या प्रभावी वापरासाठी उन्नत प्रशिक्षण कार्यशाळा आयोजित आज करण्यात आली होती. कार्यशाळेला जिल्हा परिषद पालघरचे मुख्य कार्यकारी अधिकारी मा. मनोज रानडे (भा.प्र.से.) यांनी भेट देत अधिकारी-कर्मचाऱ्यांसोबत संवाद साधला व योजनांच्या प्रभावी अंमलबजावणीसाठी मार्गदर्शन केले.
